Jy het
groot groen oë wat my vraend dophou, so asof jy al die geheime van die heelal
ken en nie verstaan hoekom ek somtyds so daarmee wroeg nie. Jy is gemaklik en
tevrede met die wêreld.
Probleme is
'n vreemde konsep vir jou, iets wat met die swaai van jou stert uitgewis kan
word. Jy laat jou nie regeer of voorskryf nie.
Dis vir jou
ewe lekker om buite tussen die blare as op my verekussing te slaap. Jou hare is
sag en warm onder my hand, jy ruik soos lewe. Jy draf wipstert-neus-in-die-lug
en trap nat sementspoortjies oor my hart.
Jy bring
vrede en vreugde, maak my alleen-wees bietjie makliker.
No comments:
Post a Comment